Romans 16:20-24

²⁰Wal oni God na meigim pipul jidan gudwei. En nomo longtaim na im garra binijimap Seitin det boswan dibuldibul en meigim yumob jidan bos oba langa im. Wal Jisas Krais det Bos blanga wi im brabli kainbala langa wi, en mi askim im blanga kipgon kain langa yumob.

²¹Wal det wekinmen Timathi hubin oldei wek garram mi im tok gudei langa yumob. En Lusiyas en Jeisan en Sosapata detlot Juwish kantrimen main bin tok gudei langa yumob du.

²²En Tetiyas hubin raidimdan dijan leda blanga mi tok gudei langa yumob dumaji im bilib langa Jisas Krais det Bos blanga wi.

²³En Gaiyas det bos blanga dijan haus weya mi jidan en weya ola Kristjan pipul oldei majurrumap miselp blanga abum sebis, tok gudei langa yumob du. En Irestas det men hu oldei lukaftumbat ola mani blanga dijan taun weya mi jidan tok gudei langa yumob du. En Kwatas det braja blanga wi tok gudei langa yumob du.

²⁴Wal wi garra gibit preis langa God, dumaji im na garram det pawa blanga meigim yumob jandap strongbalawei weya yumob bin bilib langa det gudnyus.