Roma 16:20-24

²⁰Ama Lamtua Allah sii man bel nal kit le nuil babanan, dame nol tetesa. Mam Un tao dudus uikjale kas laih tuan na in kuasa ka, nol tulu bel noan, mi man nala. Na nesang lo ka. Auk kohe-kanas le nodan kit Lamtuan Yesus Kristus tulu Un dalen banan na bel mia.

²¹Paling Timutius man daek leo-leo nol au, tunang boa-blingin bel mia. Kaka Lukius, kaka Yason, nol kaka Sosipater kon tunang boa-blingin. Oen niam atuil Yahudi banansila el au.

²²(Auk niam mo Tertius. Auk man dul surat ni muid asa man kaka Paul in tadu auk le dula ka. Boa-blingin deng auk kon, ta auk niam, kit Lamtuan na atulin kon.)

²³Au (Paulus) daad tahang ne kaka Gayus uma. Totoang atuil in sarani ne maan ni ngias taom nakbua le grija se un uma. Un kon tunang boa-blingin. Kaka Erastus man daid bendahara deng kota nia, nol kit kaak-palin Kuartus kon tunang boa-blingin.

²⁴Auk nodan le kit Lamtuan Yesus Kristus tulu Un dalen banan na bel mi totoang. Ela tuun tia!