Rome 16:20-24

²⁰An purty soon, God wa da gii we peace, gwine stroy Satan powa an pit um onda ya foot. De blessin ob we Lawd Jedus Christ be pon oona.

²¹Timothy, wa da wok wid me, da tell oona hey. An Lucius, Jason, an Sosipater, dey da tell oona hey. Dey Jew people, jes like me.

²²A Tertius, oona Christian broda wa da write dis letta fa Paul, A da tell oona hey.

²³Gaius da tell oona hey. A da stay een e house an all de people ob de choch da meet een e house, too. Erastus, wa da keep de money fa de city, an we Christian broda Quartus da tell oona hey.

²⁴A da pray dat de blessin ob we Lawd Jedus Christ be wid all ob oona. Amen.