Romanoj 11:29-35

²⁹Ĉar la donacoj kaj la vokado de Dio estas nerevokeblaj.

³⁰Ĉar kiel vi iam estis malobeemaj al Dio, sed jam ricevis kompaton per ilia malobeo,

³¹tiel same ankaŭ ĉi tiuj jam malobeis, por ke, per la kompato montrita al vi, ili ankaŭ nun ricevu kompaton.

³²Ĉar Dio kunŝlosis ĉiujn en malobeo, por ke Li kompatu ĉiujn.

³³Ho, profundo de riĉeco kaj saĝeco kaj scio de Dio! kiel neesploreblaj estas Liaj juĝoj, kaj nesekveblaj Liaj vojoj!

³⁴Ĉar kiu sciis la spiriton de la Eternulo? aŭ kiu estis Lia konsilanto?

³⁵aŭ kiu antaŭe al Li donis ion, poste redonotan al li?