Roma 11:29-35

²⁹Ya Got e der ma piliyeg laniyan’ rok e en ni mel’eg nge tow’athnag.

³⁰Ma gimed e pi’in gathi gimed piyu Israel e da um folgad rok Got kakrom; machane chiney e ke runguymed Got, ya dakir fol piyu Israel rok.

³¹Ere ku errogon nike runguymed Got ma dakir fol piyu Israel rok, ni fan e ngki runguyrad Got e chiney.

³²Ya Got e ke tay urngin e girdi’ karmanged kalbus rok e danir fol, ya nge yag ni runguyrad ni yad gubin.

³³Rib ga’ e fla’ab rok Got! Ma rib to’ar e gonop rok nge llowan’ rok! Mini’ e rayag ni nge weliy rogon nma turguy Got ban’en? Mini’ e manang rogon kanawo’en nma maruwel?

³⁴Ni bod ni be yog e babyor nib thothup ni be ga’ar: “Mini’ e manang laniyan’ Somol? Mini’ e rayag rok ni nge fonownag?

³⁵Mini’ e ka’a pi’ ban’en ngak Somol ni nge fulweg Somol puluwon ngak?