Rom 11:29-35

²⁹Kaima. God ye yomba pinde indre ana taragl wakai yoko tongwa, ipre okuwo ye nomane suwo yei ere ta endekrambuka.

³⁰Ene okuna God kamo sendingwa, ba erme Israel yomba ka sendingwa mambuno i mina ene Yomba Bina God miriyemo ingwa.

³¹Kuno yegl keunde, Israel wagle ye erme ama ka sende wanmeglkwa, ba God miriyemo ene imere yegl ye ama inaglkwa.

³²Yomba kindaginde God kamo sendingwa pre sikane sungo ka sendingwa mambuno i kanemo paingwa. Ye yegl orkwa i yomba prapra miriyemo tena pre orkwa.

³³Aya! God nomanemo wakai ya pirpogl sungwa i pond kaima pangwa. Te mundi nigl mur-gar yomere yegl pangwa. Ye nomanemo mina prukwa i yomba ta mambunomo doko pirkan erambuka kuno erekrukwa! Te ye mambunomo i nono prapra duglo boramga kuno erekrukwa!

³⁴Kamambuno pepa mina ka yegl beglko pangwa: “Yaglkande nomane mina ka prukwa i yomba ira pirpogl sume? Mo yomba ira God taragl yegl ero dinambuka kuno orme?”

³⁵Te, “Yomba ira okuna taragl God tongwa pre ana God erme topo te ikine endinambe?”