ROMA 7:10-19

¹⁰Vadaeni lau mase. Oibe, Taravatu be Dirava ese ia henia, taunimanima do idia mauri totona. To lau dekenai be Taravatu ese mase ia mailaia.

¹¹Taravatu ena hereva ia gaukaralaia dekena amo, kara dika ese dala ta ia davaria, vadaeni lau ia koia. Oibe, Taravatu dekena amo kara dika ese lau ia hamasea.

¹²Momokani, Taravatu be ia helaga. Bona Taravatu ena hereva ibounai danu be helaga, maoro bona namo.

¹³To edena bamona? Gau namona ta ese lau ia hamasea, a? Lasi momokani! Kara dika sibona ese lau ia hamasea, gau namona ta, Taravatu, ia gaukaralaia dekena amo. Unai dekena amo ita itaia, kara dika be dika momokani, bona Taravatu ia noho dainai, kara dika be ia dika bada lao noho.

¹⁴Ita diba vadaeni Taravatu be lauma ena, to lau be tauanina ena, kara dika ese lau ia guia, vadaeni lau be kara dika ena hesiai tauna.

¹⁵Unai dainai lau karaia noho gaudia be lau diba lasi. Badina lau ura henia karadia be lau karaia lasi, bona lau ura lasi momokani karadia be lau karaia noho.

¹⁶To lau ura lasi karadia lau karaia neganai, inai be lau gwauraia Taravatu be ia maoro.

¹⁷Unai dainai inai be lau lasi inai kara lau karaia, to egu lalona dekenai ia noho kara dika ese ia karaia.

¹⁸Lau diba egu lalona dekenai bona egu kudouna dekenai be namo ta ia noho lasi. Badina be lau ura kara namo do lau karaia, to karaia totona be lau hegeregere lasi.

¹⁹Kara namodia lau ura karaia neganai, be lau karaia diba lasi. Bona kara dikadia lau ura lasi karaia neganai, be lau karaia inai.