Akaloma 7:10-19

¹⁰nenga nganhwe. Malagilo genia gakita galete bwomi, nambu kwango ganeti kiu.

¹¹Gambu, mabaja ngagapata ndela kuboka kwa malagilo, ngagangoloya ne nukungoma.

¹²Malagilo gene gabi chwapi na amuli jene jibi chwapi, nga ejipaligwa na jambone.

¹³Bo, ikonda kilebe echikibi chambone kijambuki kiu chango? Napachokuje! Apibile nga yene, mabaja gabonekane kipola kube mabaja, gapeti muchache chambone nu kunyambukia kiu chango. Yene mabaja kwa ndela ja malagilo ibonekana kipola kube mbaja muno.

¹⁴Tumanyi kube Malagilo gu uhuke, nambu nenga na bammele tu, nenga nhuchigwe kube nabanda ba mabaja.

¹⁵Nikimanyije chandenda, magambu chache chinikipala kutendaje, nambu chinikichimwa nga echindenda.

¹⁶Andaibi, ndenda gangapala, ilaya kube nyekete kube malagilo nga gambone.

¹⁷Ibonekana kipola neje nandenda kilebe chenie, nambu mabaja agabi nkati jango.

¹⁸Manyi kube ngwetije chambone nkati jango, mu umundu gwango. Kwa magambu, iganukube mbaile kutenda kilebe chambone, kuotoje kulilenganakia.

¹⁹Pambala kutenda kilebe chambone kutendaje, nambu kilebe kibaja changakipala nga chandenda.