ROMA 6:12-18

¹²Kara dika ese tau-animui basine lohiadia; ena hekise-hekise basio kamonai henia.

¹³Bona taumui reḡedia na kara dika basio henia, isiaina basie lao heni; a taumui na Dirava ba henia, mase amo e roho mauri taudia na heheto, bona taumui reḡedia danu ia ba henia, kara maoromaoro ikarana ḡaudia ai baela.

¹⁴Kara dika ese basine lohiamui, badina be taravatu henunai asio nohomu, a harihari-bada henunai o nohomu.

¹⁵Edeheto? Taravatu henunai asita nohomu a harihari-bada henunai ta nohomu dainai baita kara dika a? Lasi ona lasi vaitani.

¹⁶Asi dibamui a, erena o kamonaimu tauna ena hesiai ai baola, o kamonai heniamu dainai? Kara dika isiaina ba lao heni, mase bavabia; eiava kamonai korikori isiaina ba lao heni, kara maoromaoro bavabia.

¹⁷Dirava baita hanamoa, badina be gunaguna umui na kara dika isiaina o lao heniva, a harihari a hadibamuiva herevana vada o kamonai henia mai daramui ida.

¹⁸Kara dika amo e ruhamui nege; kara maoromaoro enai vada e ḡuimui kau.