Text copied!
CopyCompare
Ooratha Caaquwaa - ሮሚያ - ሮሚያ 6

ሮሚያ 6:12-18

Help us?
Click on verse(s) to share them!
12ሄዋ ዲራው፥ ሂንቴ ሂንቴንቱ ኣሳቴꬃ ኣሙዋሲ ኣዛዜታና ማላ፥ ናጋራይ ሃይቂያ ሂንቴ ኣሳቴꬃ ሞዶፖ።
13ቃሲ ሂንቴ ኣሳቴꬃፔ ኢቲ ሳኔ ኢታ ኦሱዋ ኦꬃናው ናጋራው ኢሞፒቴ፤ ሺን ሃይቁዋፔ ዴንዴዳ ኣሳዳን ሂንቴንታ ፆሳው ኢሚቴ፤ ቃሲ ሂንቴ ኩሜንꬃ ኣሳቴꬃካ ፂሎ ኦሱዋ ኦꬃናው ፆሳው ኢሚቴ፤
14ኣዪሲ ጎፔ፥ ናጋራይ ሂንቴንታ ሞዳናው ዳንዳዬና፤ ሂንቴ ፆሳ ኣꬎ ኬካቴꬃ ጋርሳና ዴዒታፔ ኣቲን፥ ሂጊያፔ ጋርሳና ዴዒኪታ።
15ያቲና፥ ዋናኔ? ፆሳ ኣꬎ ኬካቴꬃ ጋርሳና ዴዒኖፔ ኣቲን፥ ሂጊያፔ ጋርሳና ዴዔና ዲራው፥ ናጋራ ኦꬃኔ? ጊዴና፤
16ሂንቴ ሂንቴንታ ኢቲ ኡራው ኣዛዜታናው፥ ኣይሊያዳን ኦꬂዴ ኢሚያ ዎዴ፥ ሄ ሂንቴንታ ኣዛዚያዎ ኣይሌቱዋ ጊዲያዋ ኤሪታ፤ ዎይ ሂንቴ ሂንቴንቶ ሃይቁዋ ኣሂያ ናጋራው ኤኖ ጊታ፤ ዎይ ሂንቴ ሂንቴንታ ፂሎ ኦꬂያ ኣዛዞ ኤኖ ጊታ።
17ሺን ፆሳው ጋላታይ ጊዶ፤ ኣዪሲ ጎፔ፥ ናጋራው ካሴ ሂንቴ ኣይሌ፤ ሺን ጉዬፔ ሂንቴ ኣኬዳ ቲሚርቲያ ጊዶን ዴዒያ ቱማቴꬃው ሂንቴ ኩሜንꬃ ዎዛናፔ ኣዛዜቴዲታ።
18ሂንቴንቱ ናጋራ ኣይሌቴꬃፔ ኬሲዴ፥ ፂሎቴꬃው ኣይሌ ጊዴዲታ።

Read ሮሚያ 6ሮሚያ 6
Compare ሮሚያ 6:12-18ሮሚያ 6:12-18