Roma 3:7-18

⁷Bay ku fagu di ktulento kéng, baling midul kite kdatah Dwata mdà di toon kafbateng i katluhan, kan ku nukuman ato salngad i to gamsalà?

⁸Kan ku là balingto man, “Mimò ato sasè du fye lamwà i fye?” Nun dad to tmifù do, du yé galgu tdò kun. Fye ku too ale falnayam gten di dale.

⁹Dét? Mas fye kè kagkahto gito dad Dyu di dad ise Dyu? Là. Du ta man-gu di muna i kdee dad to slame magfasak di salà, balù ku Dyu ku demen ise Dyu.

¹⁰Du ani man di Tnalù i Dwata, “Landè to tluh di kite Dwata, balù satu.

¹¹Landè galmabat, na landè mngabal i Dwata.

¹²Gsalà i kdee, na ta tnagakla i Dwata. Landè mimò fye, balù satu.

¹³I bkakongla, salngad i lbang mgukà. Gnamitla i dilàla lmimbung. Na samfut di salékla i alas ulad.

¹⁴Fnò i dad bàla dad féét flagi.

¹⁵Na too ale mlal manò.

¹⁶Na too ale mebe kalmo na ksamuk, balù nè gusalula.

¹⁷Na là dnawatla dalan i ktanak.

¹⁸Na là fulung ale likò di Dwata.”