Rom Yaab 3:7-18

⁷Ubaa ga baa ke, “Maah gee nnyamɔn na yaa mɔk ke Uwumbɔr ye mbamɔndaan ki ga cha binib nyuŋ u kan, ba ŋa u daa ntafal ke m ye titunwanbirdaan?”

⁸Ti ga tun titunwanbir aan ni kpaln tiwan ni ŋan na aa? Taan ŋa kina kpala. Binib bibaa seei timi ki bui ke ti len kina la. Binib ngbaan ga kan ntafadaan mu ŋeer bi na.

⁹Tɔ, timi Juu yaab ŋan ki jer binib bi kaa ye Juu yaab na aa? Taa jer bi. M nan mɔk nimi ke binib bi ye Juu yaab na, ni bi kaa ye Juu yaab na mɔmɔk ye titunwanbirdam la.

¹⁰Ni ŋmee kina le Uwumbɔr Aagbaŋ ni ke, “Unii ubaa aa ye uninyaan,

¹¹ubaa aa kpa nlan, ubaa aa ban Uwumbɔr,

¹²bi mɔmɔk di cha waasan, bi mɔmɔk bee fam la. Ubaa aa bi ki tun lituln li ŋan na, ubaa baanja aa bi.

¹³Baaliin po ye iliin i bir na la. Bi geei inyamɔn ki ŋmanni binib. Baaliin bii binib ke ujagen aaluul aah bii binib pu na la.

¹⁴Baamɔi gbii ŋisiibil ni kinanaŋ la.

¹⁵Bi yaa ban bi ku binib kan, naa pɔɔ.

¹⁶Bi muk binib ki ŋani bi falaa n‑yoonn mɔmɔk la.

¹⁷Bi chuun ban tibɔr la.

¹⁸Baa san Uwumbɔr.”