7Be eaba eta ga iselele posanga toa ne ta ikeo ga, “Oangga leg posanga pakakanga ikado ga Deo ele posanga tautaunga iuot masaeai tau ga ieda iuot kapei, ikamado ga ipanas gau mambe eaba kadonga sat aea?”
8Posanga sakirkir toa ne eine lalaede mambe posanga sakirkir ede pade ga bedane, “Goibe, takado kadonga papaeamao, ta ngan edap toa ne, kadonga kemikemi ga iuot.” Panua edengada tiselele gai sapaean ta tikeo ga gai apapaoatai gid panua toa bedaoa. Be eine mao. Gid panua toa bedaoa, Deo ga ipanas gid tutui ngan led kadonga.
9Tota takeo mado? Irangrang ngan takeo ga gai Iuda aeasal panua padengada? Mao tau! Patautene tapasolan mambe kadonga sat ibul panua toa ngada ne, gai Iuda ga gid alu padengada pade.
10Eine lalaede mambe Deo ele posanga ga bedane, “Eaba eta ele kadonga tutui mao ga mao tau.
11Eaba eta ele oatainga kemi mao. Be eaba eta iloilo Deo mao pade.
12Gid toa ngada oa tipul murid ngan Deo ta tiuot paeamao. Eaba eta ngan gid ikado kadonga kemi mao ga mao tau.”
13“Aoad mambe denga iaoa ikakai, ta led posanga mambe oadoad paeamao iuotot. Somisomi tipakaka.” “Led posanga paeamao eine mambe mota paeamao imau.”
14“Somisomi tikakado posanga paeamao ngan panua padengada.”
15“Gid manmanae tau ngan raunga eaba ede pade ga imate.
16Tilalala alele ta tipaeabu ngan panua led madonga, ta led madonga oanaoana tau.
17Tiuatai ngan edap lolo tarui aea mao.”
18“Timataud Deo mao ga mao tau.”
Rom 3
Rom 3:7-18