ROMANOS 3:7-18

⁷No ze de: “Belne por ne rkade be nak ne gyenen mén ne nzoon xdiiz Dëdyuzh, ¿penak benak run Dëdyuzh be kwent zegnak mendol cheguin?

⁸Belne zenga we, mazre wendee ylaa me ne mal chen ykakwent me ne wen.” Zenga rkagyii mén noo, re men ne zeree nak ne rneluu noo mén, per yra men ne re zenga, rzëël men ne yzakzi Dëdyuzh men.

⁹¿Pagox gue be cheguin? ¿Pe ze be ne ntozdee wen noo yra noo ne nak noo men-Israel ke lo men ne nakdet men-Israel? ¡Let zengadeto! Porke che wbonyoo noo ne yrandxee mén nak mendol, nigle men-Israel, nigle men ne nakdet men-Israel.

¹⁰Porke re lo xgyiich Dëdyuzh: Yët mén ne rlaadet dol, axtegue ni te men yëtet;

¹¹yët mén ne rdee kwent, yët mén ne rlaan ye Dëdyuzh.

¹²Yrandxee men wsalzaan xnëz Dëdyuzh, yrandxee men wak menmal. Yët mén ne rlaa ne wen, axtegue ni te men yëtet.

¹³Nak ruu men zegnak baa ne zemyal, no teblose rkade men. Nak gyedruu men zegnak xbenen mëël;

¹⁴teblose rgyiin rnab men por semén men no teblose diznyaan rnii men.

¹⁵Noze rzhoon men za men chen yket men semén men.

¹⁶Kwaskyertee ledne za men, teblose ne bat rkyiindet rlaa men no rzakzi men semén men.

¹⁷Nandet men nuu gyelendxi.

¹⁸Axtegue ni rdxedet men Dëdyuzh.