ROMA 2:2-10

²Dibada danu, unu e kara tomamu taudia na Dirava ese davadia baine henidia mai maoromaorona ida.

³Bena unu e kara tomamu taudia o hahemaoro henidiamu, ma sibomu danu unu o kara tomamu; o lalomu o tomamu Dirava ena hahemaoro amo ba roho mauri a?

⁴Eiava, ena harihari-bada, ena haheauka bona ena hebogahisi o dadaraimu, matona asi dibamu Dirava ena harihari-bada ese e hakaumumu helalo dalana ai a?

⁵Emu lalo-duhu dainai badu latamu ai o habouamu; bena Dirava ena hahemaoro dinana ai una badu anina baine hedinarai.

⁶Ia ese taunimanima iboudiai edia kara heḡereḡerena davadia do baine henidia hagau-hagau:

⁷kara namodia e kara tarika-tarikamu bona hairai bona hahenamo bona basine pata maurina danu e tahumu taudia na mauri hanaihanai bae abia;

⁸a e heiri-heirimu bona hereva momokani e dadaraiamu bona kara gageva-gageva e badinamu taudia na badu bona hisihisi bae abi.

⁹Kara dika taudia ese lalo-hisihisi bona kudou-hetaha bae davari, guna Iuda taudia, gabe amo Helene taudia;

¹⁰a kara namo taudia ese hairai bona hemataurai bona maino bae davari, guna Iuda taudia, gabe amo Helene taudia.