8Omuteke habobo wule op webo. God Reri Tuma et kemne meknik tetane. Et keremri gwusi taulek tetane. Et keremri wuribaike tetane. (Lo 30:11-14) Er omuteke habobo wuleri tuma nem kemne op wesowbo.
9Kem kemri tumaske op wete. Jisas re Haneyen. Kem keremri wuribaike omuteke op habote. Jisas re sam, God re rene sele meike nenewayen wow sene newom. Kem etop wete, etop omuteke habote, God re kemne poten reri kwomke panen yite, kem pow tete tetane.
10Tatame rem remri wuribaike omuteke habobo, God re remne op webo. Kem ari tatame yenbo. Tatame rem op webo. Jisas re Haneyen. Op webo tatame remne God re poten reri kwomke panen yite, rem pow tete tetane.
11God Reri Siglow tuma op webo. Aboi tatame rem Jisas rene omuteke habote, rem pap yaper be tete.
12Er tuma et Juda tatamekene Juda bo tatamekene remne kirkir webo. God re remne kena kena be nenbo. Haneyen re aboyei tatame etemri Haneyen. Rekene namrete tatame remne re heyarsubu nenbo.
13God Reri Siglow tuma op webo. Aboi tatame rem Haneyen Jisas rene op wete. Haneyen, ne anne kwobo late. Op wemetbo tatame, God re remne poten reri kwomke panen yite, rem pow tete tetane.
14Kem op habote. Jisas rene omuteke be habobo tatame rem Jisas rene mapurke wemette, re remne kwobo late? Jisas rene be sanetene tatame rem rene mapurke omuteke habote? God Reri Tuma remne be wesowtene, rem mapurke mette?
Rom 10
Rom 10:8-14