Psalms 72:12-20

¹²Pwe a pan dorela me jamama o, me kin weriwer, o me luet, me jota jauaj pa.

¹³A pan kupura me tikitik o jamama, o pan kotin jauaja nen en me jamama kan.

¹⁴A pan kotin dorela nen arail jan ren me morjued o weit, o nt’ arail me kajampwal mon jilan i.

¹⁵A pan ieiajata o kold jan wein Arapia pan wijik won i, o aramaj akan pan kapakapaki i anjau karoj, a pan kapaida ni anjau karoj.

¹⁶Wantuka kan pan pwaida mau nin jappa o pon nana kan, korn pan momand dueta Lipanon; o aramaj akan pan wojada nan kanim akan dueta rä nan jap o.

¹⁷Mar a pan duedueta kokolata; arain katipin a pan mimieta, iduen warai en mar a, o re pan kapaikida i; men liki kan karoj pan kapina i.

¹⁸Kapin on Kot Ieowa, Kot en Ijrael, i eta, me kin wiada manaman akan.

¹⁹O kapin on mar a linan kokolata, o jap karoj en direki a wau! Amen, amen!

²⁰Iet imwilan kapakap en Dawid nain Ijai.