Psalms 55:3-18

³Pwe nil en ai imwintiti kin kainjenjued ia o me doo jan Kot akan kin pakipaki ia; pwe re kin men wia jued on ia, o re kin kailon kin ia.

⁴Monion i majapwekada nan kaped i, o majak en mela lel on ia.

⁵Majak o rerer lel don ia; wapon kadupal ia di.

⁶I ap indada: O ma pa i kat dueta pa en muroi, pwen pirwei o mi ekij waja.

⁷I ap pan pirla waja doo, o kaukaujon jap tan. Jela.

⁸I pan madanlan wajan moleilei mon melimel o katau.

⁹Main Ieowa, kom kotin kawuk pajan lo arail, o kotin kajore ir ala, pwe i kilekilan, me toun kanim o kin weit o akamai pena.

¹⁰Mepukat kin wiaui ni ran o ni pon pon arail kel takai, o a dir en apwal o dodok kan.

¹¹Me jued akan kin kaunda kanim o; o tou a kan jota kin muei jan likam o kotaue.

¹²Ma ai imwintiti pan wia jued on ia, i jota pan injenoki, o ma me kailon kin ia pan pei on ia, i pan ruki jan mo a.

¹³A koe, ai warok, o kompole pa i o kij ai.

¹⁴Pwe kitail minimin penaer nan pun atail. Kitail wiaki eu nan pun en pokon nan tanpaj en Kot.

¹⁵Mela en madan lel won irail, pwe ren lokidokila nan wajan mela ni ar memaur; pwe im arail o lol arail me dir en morjued.

¹⁶A i pan likwir on Kot, o Ieowa pan kotin jauaja ia.

¹⁷Nin jautik, o ni manjan, o nin jauaj i pan janejan o weriwer, a ap pan kotin mani nil ai.

¹⁸A pan kotin dorela nen i jan ren me men palian ia, o pan kotin kamoleilei ia; pwe ir me toto, me u on ia.