PSALMORUM 94:3-9

³quoniam Deus magnus Dominus, et rex magnus super omnes deos.

⁴Quia in manu ejus sunt omnes fines terræ, et altitudines montium ipsius sunt;

⁵quoniam ipsius est mare, et ipse fecit illud, et siccam manus ejus formaverunt.

⁶Venite, adoremus, et procidamus, et ploremus ante Dominum qui fecit nos:

⁷quia ipse est Dominus Deus noster, et nos populus pascuæ ejus, et oves manus ejus.

⁸Hodie si vocem ejus audieritis, nolite obdurare corda vestra

⁹sicut in irritatione, secundum diem tentationis in deserto, ubi tentaverunt me patres vestri: probaverunt me, et viderunt opera mea.