PSALMORUM 89:9-13

⁹Quoniam omnes dies nostri defecerunt, et in ira tua defecimus. Anni nostri sicut aranea meditabuntur;

¹⁰dies annorum nostrorum in ipsis septuaginta anni. Si autem in potentatibus octoginta anni, et amplius eorum labor et dolor; quoniam supervenit mansuetudo, et corripiemur.

¹¹Quis novit potestatem iræ tuæ, et præ timore tuo iram tuam

¹²dinumerare? Dexteram tuam sic notam fac, et eruditos corde in sapientia.

¹³Convertere, Domine; usquequo? et deprecabilis esto super servos tuos.