Mboe 89:9-13

⁹Nu ta mborro tai. Sombe duubu zoŋo zirzirŋana, na nu rao be kam ma taun isu.

¹⁰Mi muŋgu nu petepaala Rahab uteene ma imeete. Mi nomom mburaanaŋana ta iyaŋgwiiri kom koi bizin ma tiko papirik.

¹¹Saamba na koroŋ ku. Mi toono tomini, ina koroŋ ku men. Pa nu ta ur saamba mi toono ramaki koroŋ boozomen ta timbotmbot pa.

¹²Nu ur toono ma ila imap su re uunu, mi ila imap su iwaara uunu. Abal Tabor mi abal Hermon lelen ambai pu mi timbombo mboe be tipakur zom.

¹³Nu mburom keskeezeŋom. Nomom woono na, mburaana ilip kat be ikas kom koi bizin.