9Audi, populus meus, et contestabor te. Israël, si audieris me,
10non erit in te deus recens, neque adorabis deum alienum.
11Ego enim sum Dominus Deus tuus, qui eduxi te de terra Ægypti. Dilata os tuum, et implebo illud.
12Et non audivit populus meus vocem meam, et Israël non intendit mihi.
13Et dimisi eos secundum desideria cordis eorum; ibunt in adinventionibus suis.
14Si populus meus audisset me, Israël si in viis meis ambulasset,
15pro nihilo forsitan inimicos eorum humiliassem, et super tribulantes eos misissem manum meam.
16Inimici Domini mentiti sunt ei, et erit tempus eorum in sæcula.
17Et cibavit eos ex adipe frumenti, et de petra melle saturavit eos.
PSALMORUM 80
PSALMORUM 80:9-17