Ihi 80:9-17

⁹Uaini kuvu vira utireva ihara, are koqema kera vata ruhiqaukera vira ututaararo viva tuqa aratero koqema kero qampiqeharo maa vatara mpiqa kairave.

¹⁰Uaini viva qampiqeharo maa vatara mpiqa kaivaro vira kaaravano aiqinanavu aumaqaaraiqama nimiteharo, nora sidaa katarivata uri aatarakero aumaqaaraiqama nimitaira.

¹¹Uaini viva qampiqaqiro vivaro vira kantakaara hinivano nora namari, Meditarenia Namari auvahini vivaro vira kantakaara hinivano Iufaretisi Namari tuvinaini virave.

¹²Uaini viva mintima kero qampiqaivara, are nana kaarae vira hohaa ravantiaqa kaaro? Are mintianara kaara aaraini vi ani variaka uaini tava vira muara hiqike vare variavo.

¹³Mpo, nantaqihai qaakau quara ani uaini tanta taantamake vataamanta aantauvahi ani uaini tava vira ne variavo.

¹⁴Mpo Noravauvo, are ekaa kempuka vataavama variaro. Are qaiqaa tinavuara noraiqaakera iriane. Are naaruvaihaira viavi tenavu qoraiqama vi vauraukara ike mpo tiva timitaane. Tenavu are ututaara uainikama vauro. Are tinavu nena vaiinti nahentiqaa koqema kera raqikiane.

¹⁵Are nena kauqu tanaraqohaira uaini vira ututera, tinta uaini variarire tira, vira kempukaiqama kaararo koqema kero qampiqairave.

¹⁶Mpo, vate navutaaka uaini vira teqa taaqamake, ihaqohai vira tatoqa aqu kaavo. Oho, vira kaara ai arara itairara vika vehi autu taiqa kaane.

¹⁷O Kotio, are tinavu nena kaama taana vaiinti nahentika antua timitehara, tinavuqaa koqema kera raqikiqira vuane. Tinavuara vika tinta vaiinti nahenti variate tira, are haaru tinavuqaa koqema kera raqikiqira vuaramanta tenavu noruqama vunarave.