PSALMORUM 56:7-11

⁷Laqueum paraverunt pedibus meis, et incurvaverunt animam meam. Foderunt ante faciem meam foveam, et inciderunt in eam.

⁸Paratum cor meum, Deus, paratum cor meum; cantabo, et psalmum dicam.

⁹Exsurge, gloria mea; exsurge, psalterium et cithara: exsurgam diluculo.

¹⁰Confitebor tibi in populis, Domine, et psalmum dicam tibi in gentibus:

¹¹quoniam magnificata est usque ad cælos misericordia tua, et usque ad nubes veritas tua.