PSALMORUM 51:5-9

⁵Dilexisti malitiam super benignitatem; iniquitatem magis quam loqui æquitatem.

⁶Dilexisti omnia verba præcipitationis; lingua dolosa.

⁷Propterea Deus destruet te in finem; evellet te, et emigrabit te de tabernaculo tuo, et radicem tuam de terra viventium.

⁸Videbunt justi, et timebunt; et super eum ridebunt, et dicent:

⁹Ecce homo qui non posuit Deum adjutorem suum; sed speravit in multitudine divitiarum suarum, et prævaluit in vanitate sua.