Psalm 9:1-7

¹Psalm lal David Nga fah kaksakin kom, LEUM GOD, ke insiuk nufon; Nga fah fahkak ke ma wolana nukewa kom orala.

²Nga ac fah on ac engan ke sripom. Nga fah on ac kaksakin kom, tuh kom God Kulana.

³Mwet lokoalok luk elos folokla ke pacl ma kom sikyak; Elos putatla ac misa.

⁴Kom suwoswos ac pwaye in nununku lom, Ac kom wiyu lac ke kom nununkeyu.

⁵Kom nununku lain mwet pegan Ac kom kunausla mwet koluk; Inelos ac fah tia sifil esamyuk.

⁶Mwet lokoalok lasr fah wanginla ma pahtpat, Tuh kom kunausla siti selos, Ac elos tiana sifil esamyuk.

⁷Tusruktu LEUM GOD El tokosra ma pahtpat; El oakiya tron lal tuh in nien nununku.