A Umana Kakailai 9:1-7

¹Kai nina i lue ra kakailai; a tiun Mut-Laben; a kakailai kai David. Ina pite pa ra Luluai ma ra balagu parika; Ina vaarike kaum lavur enana papalum.

²Ina gugu ma ina ga tuna tam, Ina pite pa ra iangim, u ra Ngala Kakit.

³Ba kaugu umana ebar dia vilau, Dia bura ma dia panie ke ta ra luaina matam.

⁴Tago u tar varkurai maravut ure ra magit i takodo piragu ma ure kaugu papalum; U tar ki ta ra kiki na king ma ra takodo na varkurai.

⁵U tar bor ra umana Tematana, u tar nila vue ra umana tena varpiam, U tar pun vatukum vue ra iang i diat.

⁶A umana ebar dia tar panie, ma dia tar kaina tukum; U tar re vue kadia umana pia na pal, Pa da nuk uraure pa mule diat.

⁷Ma ra Luluai i ki na king pa na mutu; I tar mal pa kana kiki na king upi ra varkurai.