Kap 9:1-7

¹Dewit dakon kap kɨnda. Tek kɨnda mani Almut Laben yaŋ yoŋ tegon da yogogɨ. Yawe, butnokon da ya yaŋsi gayɨkeŋ. Pi tagɨsi morap agɨl uŋun do mɨŋat amɨnyo yoyɨkeŋ.

²Gak do nandaŋek kɨsɨk kɨsɨk abeŋ. Piŋkop Wukwisi, mango awɨgɨk do kap yokeŋ.

³Uwalno da gandaŋek pasal kwaŋ. Maŋ pagek kɨmak mudoŋ.

⁴Kɨla amɨn madep yɨtyɨt tamogokon yɨgek gen kokwin kɨlegɨsi asal. Aŋpakno kokwin aŋaki gen pikon teban tosot.

⁵Mɨktɨmɨ mɨktɨmɨ dɨma nandaŋ gamaŋ amɨn gen tebai yoyɨgɨl. Amɨn yokwi kɨlɨ paŋupbal agɨl, ae dagok dagogɨ mɨni amɨn da ɨŋtaŋ yomdaŋ.

⁶Uwal wagɨlsi tasɨk tawit. Piŋkop gak da kokup papni kɨlɨ paŋupbal agɨl, ae amɨn da ɨŋtaŋ yomdaŋ.

⁷Mani Yawe uŋun kɨla amɨn madep dagok dagogɨ mɨni egɨ wɨgɨsak. Uŋun kɨla amɨn madep yɨtyɨt tamonikon yɨgek gen kokwin pi ak do kɨlɨ tagap tagɨt.