Psalm 135:1-10

¹Kaksakin LEUM GOD! Kaksakin Inen LEUM GOD, kowos mwet kulansap lal,

²Su tu in lohm sin LEUM GOD, In Tempul lun God lasr.

³Kaksakin LEUM GOD, mweyen El wo; Yuk on in kaksak nu ke Inel, tuh El kulang.

⁴El sulella Jacob nu sel sifacna, Ac mwet Israel tuh elos in mwet lal.

⁵Nga etu tuh LEUM GOD El fulat, El fulat liki god nukewa.

⁶El oru kutena ma El lungse oru In kusrao ac fin faclu, In meoa uh ac acn loal ye kof uh.

⁷El use pukunyeng in paka liki kapinkusra uh; El orala sarom nu ke paka uh, Ac El use eng liki nien filma lal.

⁸El uniya wounse nukewa in acn Egypt, Nutin mwet oayapa nutin kosro.

⁹El oru mwenmen ac ma sakirik in acn we In kai tokosra lun acn we ac mwet pwapa lal nukewa.

¹⁰El kunausla mutunfacl puspis Ac uniya tokosra pwengpeng inge: