Y Salmo Sija 135:1-10

¹FANMANALABA jamyo as Jeova. Fanmanalaba jamyo y naan Jeova: fanmanalaba güe, O jamyo, ni y tentago Jeova sija.

²Jamyo ni y manotojgue gui jalom guma Jeova, y jalom pateo y guimayuus.

³Fanmanalaba as Jeova; sa si Jeova mauleg güe: fanganta y alabansa sija ni y naanña; sa magof este.

⁴Sa si Jeova jaayeg si Jacob para güiya, ya Israel para y güinajañaja namaesa.

⁵Sa jutungo na si Jeova dangculo güe: ya y Señotta taquiloña qui todo y Yuus.

⁶Jafaja y malagoña si Jeova, esteja jafatinas, gui langet yan y tano, yan y tase, yan todo y manadong na lugat.

⁷Janafangajujulo y asgon sija guinin y uttimon y tano; janalalamlam para uuchan; janachinile y manglo gui güinajaña.

⁸Ni y janalamen y finenana na finañago guiya Egipto, todo y taotao yan y gâgâ.

⁹Ya manago señat sija yan mannamanman gui talo guiya jago, O Egipto: gui as Faraon yan todo y tentagoña.

¹⁰Ya janalamen y mandangculo na nasion, yan japuno y manmatatñga na ray sija.