Womusu 135:1-10

¹I Yinni Gusunɔ siɑro. I win yĩsiru tɔmɔ. Bɛɛ win sɔm kowobu,

²bɛɛ be i sɔmburu mɔ̀ win sɑ̃ɑ yerɔ, i nùn siɑro.

³I nùn siɑro, u sɑ̃ɑwɑ tɔn ɡeo. I kɑ win yĩsiru womu koowo, u sɑ̃ɑwɑ tɔn ɡeo.

⁴Yinni Gusunɔ u tii Isirelibɑ Yɑkɔbun bweseru ɡɔsiɑ bɑ n kɑ sɑ̃ɑ wiɡibu.

⁵Nɑ yɛ̃ mɑ u kpɑ̃, mɛyɑ wi, bɛsɛn Yinni u bũnu kpuro kere.

⁶Ye u kĩ, yerɑ u rɑ ko wɔllɔ kɑ temɔ kɑ nim wɔ̃kuɔ kɑ ɡen sɔɔwɔ.

⁷U rɑ de ɡuru winu nu sɔ̃ɔsirɑ hɑnduniɑ kpuro sɔɔ. U rɑ de ɡuru mɑɑkinu nu koorɑ kpɑ u de ɡurɑ yu nɛ. Kpɑ u woo kusiɑmɑ ɡen wɑ̃ɑ yerun di.

⁸U Eɡibitiɡibun bii ɡbiikobu ɡo sere kɑ ben yɑɑ sɑbenun bii ɡbiikinɔ.

⁹U sɔm mɑɑmɑɑkiɡinu kuɑ Eɡibitiɔ u kɑ yen sinɑ boko kɑ win sɔm kowobu kpuro sɛɛyɑsiɑ.

¹⁰U bwese dɑbinu ɡo, mɑ u sinɑm dɑmɡibu ɡo.