Proverbios 6:15-20

¹⁵Chaypitami illajpita ñacayman chayapayconga. Mana yarpashapitami tucuy-niraj mana allicunaman chayanga. Juc ñipiyllachömi ushacanga.

¹⁶Sojta castata, asta ganchis castatami Tayta Diosga fiyupa melanäcun:

¹⁷Alli-tucojcunata, llullacunata, alli goyäcoj runata wañuchejta,

¹⁸jucha aparicuyllapaj yarparajta, juchata rurallar cörricachajcunata,

¹⁹llullacur jucpa contran declarajcunata, castanwan pillyananpaj inrïduta rurajcunata.

²⁰Ïju, taytayqui willapäshushayquicunata sumaj wiyacuy. Mamayqui taytayqui yachachishushayquicunata ama gongaychu.