Proverbios 27:13-17

¹³Jäpa runata garantiyajtaga asta röpantapis guechuy. Jäpa warmita garantiyajpatapis rindata chariy asta päganancama.

¹⁴Chaca-chacalla amïguta sinchi gayaraypa saludaypis manami allichu. Paypäga chayno saludashan caycan gayapashan-japuymi.

¹⁵Shimisapa warmipis tamyaptin mana chawaypa jutoj wasinömi achäquita ashipayta mana jamanchu.

¹⁶Upällachiyta munarpis manami camäpacunchu. Wayrata chapaycaj-japuymi, maqui-paltancho asëtita chariycaj-japuymi upällachiyta mana camäpacunchu.

¹⁷Fyërrutaga fyërru-masinwanmi afilan. Chaynömi runapis jucwan parlar masta yachacun.