Proverbios 21:4-10

⁴Manacajman churaypis, yachaj-tucuypis, mana allita yarpaypis juchami.

⁵Sumaj yarpachacurcur rurashanga llapanpis allimi llojshin. Mana yarpachacuypa rätu rurarejcunapami ichanga mana alli llojshin.

⁶Llullacuyllapa ima-aycatapis tariyga manami allichu. Chayga caycan cushicachimänallapämi, wañuyta ashiyllami.

⁷Fiyucunaga quiquin mana allita rurashallanwanmi wañonga. Allita rurayta mana munashanpitami ushacanga.

⁸Fiyu runaga juchallatami ruran. Alli runa rurashanmi ichanga llapanpis alli.

⁹Alli jatun wasicho rimanacuyllata pillyallata ashiycaj warmiwan goyänanpa ruquenga chucllallachöpis japallan tiyacuptin mas allimi canman.

¹⁰Fiyu runaga imaypis mana allita rurayllatami yarparaycan. Runa-masinta cuyapaytaga manami yachanchu.