Proverbios 13:12-16

¹²Runaga yarpashanta mana tariycur fiyupami llaquicun. Llapan yarpashancunata tarirmi ichanga fiyupa cushicun.

¹³Yachachishanta mana wiyacoj cäga fiyupami llaquiconga. Mandamintuta wiyacojcunami ichanga alli cawayta tarenga.

¹⁴Yachaj yachachishanga alli cawananpämi. Wañunanpitami salban.

¹⁵Alli yarpayniyöga pï-maypitapis alli ricashami canga. Llullacunami ichanga mana alliman chayan.

¹⁶Alli yarpayniyojcunaga sumaj tantiyaycurmi imatapis ruran. Mana tantiyacojcunami ichanga upa cayninta musyachin.