Ola Saam 92:4-10

⁴YAWEI, ola ting weya yu dum garram yu pawa meigim mi gudbinji. Ai sing song gudbinjiwei, blanga wanim yubin dum.

⁵Trubala, im nomo lilwan ting weya yu dum, YAWEI. Detlot ting weya yu jinggabat, olabat brabli adwan blanga pipul blanga sabi.

⁶Siliwan pipul kaan sabi blanga dijan na.

⁷Wulijim bindiyai weya im gro isibalawei en spredat ebriweya, lagijat du nogudbala pipul nomo abum eni trabul en gajimbat detmatj ebrijing isibalawei tudei, bat bambai yu na YAWEI garra binijimap olabat olagijawan,

⁸dumaji yu na YAWEI, jidan bos brabli olagijawan.

⁹Wi sabi blanga yu enami olabat garra binij, en ola nogudbala pipul kaan win.

¹⁰YAWEI, yubin meigim mi strongbala jis laik wailwan bul jidan strongbala. En dumaji yubin gud langa mi, mi jidan gudbinji.