Iba Gana 92:4-10

⁴Anduane Homogo-o í̠na biabe hongohe biriru mitangi bialu i̱ turuho kogoni. Í̠na bayaleore dewa birigonaga i̱na turuore halu iba ganaru lolebero.

⁵Anduane Homogo-o í̠na biabe biriliru timbuniore hongohe biaga ke. Í̠naga miniha mitangi bideru iname manda bibe nahe kamagoni.

⁶Wali agali mini nawi karumebi mini giga nabi karumebi mbirale uru manda nabibehe ka.

⁷Wali agali mini kowi bu karu ti datani bu hagagobi ka. Ko biaga bu karume mbirale ngago damene yu howa homogo ha holebira. Ani bulebiragoyu ti mo ko hai halu erebaore holebira.

⁸Anduane Homogo-o í̠ni kini haluhe haabobo hagaore kegome ti ani bulebira.

⁹Agali í̠la waitigiho karu ti homalu agali mini kowi karu bope hai holeberego ina mandabu kamagoni.

¹⁰Í̠na nogo bulumaga wangabe gabuanaga hongo kaligobi i̱ha hongo timbuni helari. Í̠na i̱hondo bayale birigonaga turuore ho kogoni.