Ola Saam 81:2-7

²Stadimap det myusik. Plei det lilwan dram. Plei gudwan myusik garram olkain gita.

³Blowim detlot hon blanga abum det dubala serramoni blanga nyumanth en wen im fulmun.

⁴Dijan na det lowa blanga Isreil, en imbin kaman brom det God blanga Jeikob.

⁵Imbin gibit det lowa langa detlot Isreil pipul wen imbin deigimwei olabat brom Ijip. Aibin irrim sambodi tok bat ai nomo bin sabi hu. Imbin tok,

⁶“Aibin deigimwei ola hebiwan loud brom yumob bekboun, ol detlot brabli adwek langa Ijip.

⁷Wen yumob bin abumbat trabul, yumob bin jingat langa mi en aibin seibum yumob. Aibin ensim yumob brom main haiding pleis deya langa det stom klaud. Aibin testimbat yumob deya langa det springwoda langa Meriba.