Ola Saam 56:3-12

³YAWEI det boswan God, wen mi bradin mi trastim yu.

⁴Ai garra trastim langa im en ai kaan bradin. Ai gibit im preis blanga wanim imbin pramisim. Wotfo ai garra bradin? Pipul kaan ardim mi!

⁵Oldei main enami olabat meigimbat trabul blanga mi. Dei oldei jinggabat olkainwei blanga ardim mi.

⁶Olabat oldei blandim miselp langa ola sigridwan pleis, en lukinatbat ebrijing mi dumbat, dumaji olabat wandi kilim mi ded.

⁷God, yu panishim olabat blanga olabat nogudbalawei. Yu gitwail en binijimap olabat.

⁸Yu sabi blanga dijan trabul ai garram. Yubin raidimdan haumatj aibin kraikraibat. Yubin raidimdan langa yu buk, indit?

⁹Langa det dei wen ai garra jingat langa yu, ol main enami olabat garra tenaran en gowei. Ai sabi tharran dumaji God im jidan langa main said.

¹⁰Langa YAWEI na, en ol im pramis ai gibit preis.

¹¹Ai trastim im en ai kaan bradin. Wotfo ai garra bradin? Pipul kaan ardim mi!

¹²God, ai garra gibit yu wanim aibin pramis. Ai garra gibit theingks langa yu garram main sekrifais ofring.