Ola Saam 54:1-6

¹God, seibum mi garram yu pawa, en garram yu pawa shoum pipul mi nomo rong.

²God, yu lisin langa main preya. Yu lisin langa ol main wed.

³Ola praudbala pipul kaman blanga fait langa mi. Ola krulbala pipul wandi kilim mi ded, ol detlot na hu nomo jinggabat blanga God.

⁴Bat God na oldei albumbat mi. Main bos im oldei seibum mi.

⁵Larram God yusum olabat ron nogudbalawei blanga panishim main enami olabat. Im garra binijimap olabat dumaji im trubalawan.

⁶YAWEI, gudbinjiwei ai garra gibit yu sekrifais ofring. Ai garra preisim yu neim dumaji yu gudwan.