Ola Saam 53:3-6

³Bat deibin ol tenawei brom God, en holot na jidan nogudwan. Nobodi dum rait ting enimo.

⁴God im tok, “Maitbi dei nomo sabi. Wotfo dei kaan len, dislot nogud pipul? Detlot nogudbala pipul oldei deigimwei ebrijing brom main pipulmob. Detlot nogudbala pipul nomo jingat langa mi.”

⁵Olabat garra bradin nomo lilbit weya dei nomo bin bradin bifo. God na garra binijimap detlot enamimob, en libum olabat boun leidan ebriweya. Olabat garra sheim miselp, dumaji God bin gibit bekboun langa olabat.

⁶Mi prei adbalawei langa God weya im jidan langa Saiyan, blanga seibum ola pipul langa Isreil. Olabat garra jidan gudbinji brabliwei wen God garra meigim olabat abum ebrijing igin.