Ola Saam 37:14-18

¹⁴Nogudbala pipul deigimat olabat bigwan naif en bendimbat olabat bo en erro blanga kilim ded ola powan pipul hu nomo garram enijing, en blanga kilim ded ol detlot pipul hu dumbat rait ting.

¹⁵Bat dei garra gitkil garram olabat ron bigwan naif igin, en olabat bo en erro garra breikap du.

¹⁶Im mobeda blanga jidan gudwei garram oni lilbit ting, en nomo jidan nogudbalawei garram detmatj ebrijing,

¹⁷dumaji YAWEI garra deigidawei det pawa blanga ola nogudbala pipul, en im garra albumbat ola gudbala pipul.

¹⁸YAWEI oldei maindimbat ol detlot pipul hu duwit langa im, en olabat kantri garra jidan olagijawan blanga olabat.