Ola Saam 35:7-12

⁷Ai nomo bin dum enijing langa olabat. Deibin jis pudumbat trep blanga mi, en deibin digim dipwan hol blanga gajim mi.

⁸Bat bifo dei dum lagijat, det deinja garra kaman langa olabat jis lagijat. Olabat garra jidan langa olabat ron trep, en buldan langa olabat ron dipwan hol en binijap.

⁹Brom deya ai garra gudbinji blanga YAWEI. Ai garra gudbinji dumaji imbin seibum mi.

¹⁰Ai garra tok lagijat langa YAWEI garram main hat na, “Nobodi jidan jis laik yu. Yu maindimbat ola wikwan pipul brom ola strongwan, en seimwei langa ola powan pipul brom detlot hu oldei dum krul ting langa olabat.”

¹¹Nogud pipul oldei tokabat blanga mi, en bleimbat mi fo najing.

¹²Olabat peiyimbek mi nogudwei blanga gudwanwei. Wen aibin gud langa olabat, deibin tridim mi nogudwei. Wal mi jidan nogudbinji na.