Ola Saam 33:11-20

¹¹Bat ebrijing weya imbin plenim oldei hepin, en ebrijing blanga im jidan olagijawan du.

¹²Ola pipul langa det kantri weya weship langa YAWEI det trubala God, jidan gudbinjiwei, detlot pipul na weya imbin pikimat blanga imselp, jidan gudbinjiwei.

¹³YAWEI im lukdan brom hebin en im luk ola pipul.

¹⁴Brom weya im jidan bos, im lukdan langa ebribodi hu jidan langa dijan wel.

¹⁵Im na meigim ebribodi hat en main, en im sabi ebrijing dei dum.

¹⁶Nomo eni king win dumaji im garram strongbala ami. Nomo eni solja win dumaji im strongbala.

¹⁷Ola hosis dei yusum langa wo kaan win. Detlot strongbala hosis kaan seibum enibodi.

¹⁸YAWEI lukaftumbat ol detlot pipul hu teiknodis langa im, ol detlot na hu trastimbat im olagijawan filing blanga laigimbat.

¹⁹Im seibum olabat brom daidaibat, en im nomo larram olabat dai wen nomo eni daga jidan langa olabat kantri.

²⁰Wi trastim langa YAWEI. Im na maindimbat en albumbat wi.