Ola Saam 22:15-19

¹⁵Main mawus im draiwan jis laik brabli draiwan graun. Mi brabli thesti na. Yubin libum mi blanga dai langa graun.

¹⁶Main enami olabat bin kaman brom ebriweya en jadimap mi jis laik ola wailwan dog, en deibin jalk main bingga en fut.

¹⁷Mi bouniwan na, en main enami olabat lukinatbat mi brabliwei.

¹⁸Olabat bin deigidawei main klos en olabat bin kadimat gija, en deibin gembul blanga main kout.

¹⁹YAWEI, nomo jidan longwei brom mi. Yu kaman kwikbala blanga album mi, en yu meigim mi jidan strongbala.