Ola Saam 22:14-17

¹⁴Mi nomo strongbala enimo na, jis laik woda wen spil langa graun en im binij. Mi gulijap binij du, jis laiga kendul weya meltap. Ai nomo garram bodi en ol main boun slekwan en bin kamat na.

¹⁵Main mawus im draiwan jis laik brabli draiwan graun. Mi brabli thesti na. Yubin libum mi blanga dai langa graun.

¹⁶Main enami olabat bin kaman brom ebriweya en jadimap mi jis laik ola wailwan dog, en deibin jalk main bingga en fut.

¹⁷Mi bouniwan na, en main enami olabat lukinatbat mi brabliwei.