Ola Saam 150:1-6

¹Preisim YAWEI det trubala God! Preisim God langa im Serramoni Pleis! Preisim im blanga im pawa langa hebin!

²Preisim im blanga ola haibalawan ting weya imbin dum. Preisim im dumaji im jidan haibala bos.

³Preisim im garram ola longwan wisul. Preisim im garram olkain gita.

⁴Preisim im garram ola dram en dens blanga im. Preisim im garram ola klepstik en ola bambu.

⁵Preisim im garram ola simbul. Hitimbat adbala ola simbul blanga preisim im.

⁶Ebrijing weya jidan laibala, preisim im. Preisim YAWEI det trubala God! Binij na.