Ola Saam 119:91-96

⁹¹YAWEI, garram yu ronwan wed yubin meigim ebrijing en olabat jidan tudei, en ebrijing na wek laik yubin tok.

⁹²If ai nomo bina abum detlot lowa blanga yu blanga meigim mi gudbinji, ai bina dai brom main trabul.

⁹³Ai nomo wandi libum detlot wed weya yubin titjimbat mi, dumaji olabat meigim mi jidan gudbalawei.

⁹⁴Mi blanga yu YAWEI. Yu seibum mi, dumaji mi oldei teiknodis langa ol yu lowa.

⁹⁵Ola brabli nogudbala pipul weidabat blanga kilim mi ded, bat ai garra kipgon jinggabat ol yu wed.

⁹⁶Ai sabi ebrijing weya jidan tudei garra binij, bat yu lowa im jidan brabli trubalawan en kaan neba binij.