Ola Saam 119:153-157

¹⁵³YAWEI, luk langa ol main trabul en seibum mi, dumaji ai nomo bin fogedabat yu lowa.

¹⁵⁴Yu lukaftum mi YAWEI, en meigim mi fri. Yu seibum mi jis laik yubin pramis blanga dum.

¹⁵⁵YAWEI, dumaji ola wikitwan pipul nomo teiknodis langa detlot lowa blanga yu, yu nomo seibum olabat.

¹⁵⁶YAWEI, det kainbalawan filing blanga yu im jidan detmatj na. Yu sori langa mi en yu seibum mi.

¹⁵⁷Ai garram loda enami en bedfren hu oldei tridim mi nogudwei, bat ai nomo tenawei brom detlot lowa blanga yu.