153Kitaem ti pannakaparigatko ket tulongannak, ta saanko a malipatan ti lintegmo.
154Ikanawanak ken subbotennak; saluadannak, kas inkarim iti saom.
155Adayo ti pannakaisalakan kadagiti nadangkes, ta saanda nga ay-ayaten dagiti alagadem.
156Naindaklan ti kinamanangngaasim, O Yahweh; pagtalinaedennak a sibibiag, kas kankanayon nga ar-aramidem.
157Adu dagiti mangidadanes ken kabusorko, ngem saanko latta a tinallikudan dagiti bilbilinmo iti tulagmo.
Dagiti Salmo 119
Dagiti Salmo 119:153-157